१६ मंसिर, डडेल्धुरा । डडेलधुरामा भएको सवारी दुर्घटनामा ९ जनाको मृत्यु भएको छ । बाजुराबाट धनगढी जाँदै गरेको ना ५ ख ७८९ नम्बरको बस डडेलधुराको मेलखर्कमा दुर्घटना भएको हो ।

दुर्घटनामा परी ९ जनाको मृत्यु भएको र अन्य यात्रु घाइते भएको डडेलधुराका प्रमुख जिल्ला अधिकारी सागरमणि पराजुलीले जनाकारी दिनुभयो ।

पराजुलीले भन्नुभयो-’बाजुराबाट धनगढी हिँडेको बस हो । सुरुमा ३० जना यात्रुको इन्टि्रगरिएको पाइएको छ । राति पौने ५ बजेतिर दुर्घटना भएको र गाडी सडकबाट २/३ सय मिटर तल खसेको छ । नेपाल प्रहरी, नेपाली सेना र स्थानीयबासीले विहानैदेखि उद्दार जारी राखेका छन् ।’